Psalm 47 Tamil HEBREW - தமிழ் வேதாகமம்

அட்டவணை

Original verses for சங்கீதம் 47

לַמְנַצֵּ֬חַ׀לִבְנֵי קֹ֬רַח מִזְמֽוֹר׃

כָּֽל הָ֭עַמִּים תִּקְעוּ כָ֑ף הָרִ֥יעוּ לֵ֝אלֹהִ֗ים בְּק֣וֹל רִנָּֽה׃

כִּֽי יְהוָ֣ה עֶלְי֣וֹן נוֹרָ֑א מֶ֥לֶךְ גָּ֝דוֹל עַל כָּל הָאָֽרֶץ׃

יַדְבֵּ֣ר עַמִּ֣ים תַּחְתֵּ֑ינוּ וּ֝לְאֻמִּ֗ים תַּ֣חַת רַגְלֵֽינוּ׃

יִבְחַר לָ֥נוּ אֶת נַחֲלָתֵ֑נוּ אֶ֥ת גְּא֨וֹן יַעֲקֹ֖ב אֲשֶׁר אָהֵ֣ב סֶֽלָה׃

עָלָ֣ה אֱ֭לֹהִים בִּתְרוּעָ֑ה יְ֝הוָ֗ה בְּק֣וֹל שׁוֹפָֽר׃

זַמְּר֣וּ אֱלֹהִ֣ים זַמֵּ֑רוּ זַמְּר֖וּ לְמַלְכֵּ֣נוּ זַמֵּֽרוּ׃

כִּ֤י מֶ֖לֶךְ כָּל הָאָ֥רֶץ אֱלֹהִ֗ים זַמְּר֥וּ מַשְׂכִּֽיל׃

מָלַ֣ךְ אֱ֭לֹהִים עַל גּוֹיִ֑ם אֱ֝לֹהִ֗ים יָשַׁ֤ב׀עַל כִּסֵּ֬א קָדְשֽׁוֹ׃

נְדִ֘יבֵ֤י עַמִּ֨ים׀נֶאֱסָ֗פוּ עַם֮אֱלֹהֵ֪י אַבְרָ֫הָ֥ם כִּ֣י לֵֽ֭אלֹהִים מָֽגִנֵּי אֶ֗רֶץ מְאֹ֣ד נַעֲלָֽה׃